【冇獎問答遊戲】圖入面機器整緊乜?指套?螢光捧?試管?
答案就係…… 氣球~~ 可能喺好多人心目中氣球都係圓形,膠狀,有彈性…等等.但其實乳膠氣球成為商品之前,係一D液體,至於係咩液體小編下星期會同大家講講.今次先講解一下氣球嘅製作. 今時今日大家見到,買到嘅乳膠氣球其實有好多唔同嘅厚度,顏色,色澤,形狀.喺使用上都有唔同嘅影響,亦都有好多客人問過小編,”點解你地賣嘅氣球同其他地方嘅有D唔同?” 小編都明白,以前好多人要搵氣球都會抱住”有就得”嘅心態,去三個地方搵—-文具舖,超市同埋雜貨店.但往往會唔知道氣球可以吹幾大,質素好唔好,易唔易爆,顏色齊唔齊等等不穩定因素.甚至問老闆,老闆都唔知呢D資料.相比起我地就會搵一D廠,質素同貨源都穩定,有一套準則先至會賣出街.而有質素同穩定嘅野……當然會唔同D啦~ 而家小編就簡單介紹下製作氣球嘅流程.首先,一支支好似上圖嘅氣球模浸入去白色原液度,之後經過一段時間風乾,就會變成透明嘅氣球薄膜,之後再浸入去染色池,風乾,再浸入凝固劑定型,風乾,再染色,再風乾,再凝固,再風乾……不停地重覆直至造出想要嘅厚度,最後就捲咀,上粉,包裝好,就變成平時喺生活上見到嘅乳膠氣球啦~ 其實工序都好繁複,要人手製作都唔簡單,有興趣了解嘅朋友可以睇睇下面呢條片 https://www.youtube.com/watch?v=0iM46Ot8j4s 探索更多： Message Balloon 印字氣球 Cartoons Balloon…
Continue Reading
